१९४४-४५ मध्ये त्यांनी पुण्यामध्ये `व्यासपूजा महोत्सव' करण्यास सुरूवात केली. व्यास महर्षि हे सप्त चिरंजीवांपैकी एक आहेत. त्यांचे ठिकाणी आद्य गुरू तत्त्व साकार झालेले आहे. अखिल मानवजातीचे गुरू व्यास महर्षि आहेत, त्यांचे स्मरण करण्याकरता त्यांच्या पूजेचा उत्सव सार्वजनिक रितीने साजरा होणे आवश्यक आहे असे न्यायरत्नांना वाटले.
पुढे पुढे या उत्सवाचे स्वरूप भव्य होत गेले. शेकडो अध्यात्म जिज्ञासू या दिवशी `शांतिमंदिर'मध्ये येत असत. श्रीमंत जगन्नाथमहाराज पंडित यांच्या टिळक स्मारक मंदिरात हा उत्सव संध्याकाळी जो चालू होई तो दुसऱ्या दिवशी पहाटे समाप्त् होत असे.
या उत्सवामध्ये महाराष्ट्रातील, महाराष्ट्राबाहेरील आणि परदेशी विद्वानांचे एक संमेलनच असे.
अनेक ज्ञानीजनांचा या व्यासपीठातर्फे सत्कार होई.
अनेक देशी-परदेशी विद्वत्जनांचे भाषण यावेळी होत असे.
मध्यरात्रीच्यावेळी संकल्पसमाधि व निर्विकल्प समाधि यांचे सामुदायिक तांत्रिक प्रयोग ते करत असत. व्यास शक्तीचे संक्रमण त्यांच्या माध्यमातून होत असे.
हे सर्व प्रयोग विनाशुल्क असत.
या कार्यक्रमांमध्ये व्याख्यानांबरोबर अनेकांची प्रवचनेही होत.
तसेच ग्रंथ प्रकाशनही होई.
याशिवाय हिराबाई बडोदेकर, मास्टर कृष्णराव, वसंतराव देशपांडे इत्यादी मोठ्या गायकांचे गाणेही होत असे.
तसेच सध्याच्या काळात विख्यात असणाऱ्या व त्याकाळी निवोदित असलेल्या अनेक कलाकारांचा पहिला जाहिर कार्यक्रम येथे झालेला आहे.
व्यासपूजेच्या दिवशी स्वत: विनोदांचे व्याख्यान
अध्यात्म,
धर्म,
मानवीजीवनाचा अर्थ,
व्यासांची शिकवण
अशा विविध विषयांवर होत असे.