Maharshi Nyaya-Ratna Vinod | महर्षी न्यायरत्न धुंडिराजशास्त्री विनोद यांचे जीवन व कार्य

You are here /

महर्षी विनोद इ-बुक्स

कुंडलिनी जागृती - नाथप्रसाद - इ-बुक १९८३ सालानंतर शांतिमंदिरमध्ये जुनी कागदपत्रे यांचा शोध घेत असताना एका लाकडी पेटीमध्ये काही जुने बिन आखलेले कागद मला सापडले. या कागदांवर पेन्सिलने लिहिलेले, वळणदार, सुस्पष्ट, सुंदर अक्षरांतील हजारो श्लोक मला दिसले. त्यात १९३८,३९,४०,४२,४५ या काळात महर्षि विनोद सरदार मेहेंदळयांना श्लोक सांगताना आलेल्या उत्कट अनुभवाचा संदर्भ मला सापडला. काही विशिष्ट दिवशी, विशिष्ट वेळी, पुण्यातील सरदार मेहेंदळेंच्या घरी महर्षि विनोद जात असत आणि अतीन्द्रिय अवस्थेमध्ये स्फुरलेल्या काव्यपंक्ती टिपून घ्यायला ते रावसाहेब मेहेंदळेंना सांगत असत. त्याचे विलक्षण वर्णन श्रीज्ञाननाथजी रानडेंनी कथन केले आहे. पुढे वाचा ...	धवलगिरी - इ-बुक महर्षी विनोदांचं हे सर्वात गाजलेलं पुस्तक. अजूनही हे पुस्तक प्रिंटमध्ये आहे. कुठुनकुठून लोक येऊन अजूनही हे पुस्तक घेऊन जातात. महर्षींमधील साधक परमार्थाचा धवलगिरी कसा चढून गेला त्याचे प्रवासवर्णन यात आहे. इतर यात्रींना उपयुक्त होईल अशा पध्दतीने ग्रंथाची सर्व मांडणी केलेली आहे. सुमधुर प्रासादिक भाषा, डोळ्यांपुढे चित्र उभे राहील असे लिहिण्याची हातोटी हे या ग्रंथाचे वैशिष्ठ्य. प्रत्येकाला आपणही हा प्रवास करावा असं वाटेल असे हे पुस्तक. मी परमार्थाकडे खेचली गेले आणि मेडिकल प्रॅक्टिस करायची नाही असं ठरवलं ते हे पुस्तक वाचून. जीवनाला अर्थवत्ता प्रदान करायला उद्युक्त करणारा हा ग्रंथ. पुढे वाचा ...	अभंग-संहिता तरुणपणापासूनच महर्षींना काव्य स्फुरत असे. ते मिळेल त्या चिठोर्‍यावर खरडत असत. त्यांचे कॉलेजमधील स्नेही हे त्यांच्या काव्याचे प्रथम वाचक व समीक्षक असत. अशा हजारो अभंगांचा संग्रह मला १९८२-३ मध्ये घरात सापडला. त्यातील काही अभंग महर्षींचे स्नेही कै. प्र.रा. दामले यांनी महर्षीच्या वृध्दत्वात प्रकाशित केले. तीच ही अभंग-संहिता. संहिता म्हणजे विषयानुसार केलेले संकलन. "अहम्‌ ब्रह्मास्मि।", "अनंतता", "शुद्रता" इ. विषयावरील अभंग या पुस्तिकेत आहेत. हे अभंग ४-६ ओळींचे, गायला सोपे, अतिमधुर, वाचकाच्या मनाचा खोल ठाव घेणारे, जीभेवर सहज रेंगाळणारे असे आहेत. या अभंगांना कै. श्री. पु.ल. पुढे वाचा ...
साधनासूत्रे २० व्या शतकाच्या पूर्वाधात रोहिणी, माऊली, प्रसाद अशा तत्कालिन मासिकांचे प्रकाशक-संपादक महर्षींकडून नित्यनियमाने साधना-सूत्रे लिहवून घेऊन मासिकाच्या पहिल्या पानावर "आशीर्वाद" या अंतर्गत प्रकाशित करीत असत. विश्व-शांति-सचिव या नात्याने पृथ्वीपर्यटन करीत असताना महर्षी त्यांचे लेखन पत्राद्वारे पाठवीत असत. या ५०-६० साधनासूत्रांपैकी काही निवडक सूत्रे या पुस्तकात प्रकाशित केली गेली आहेत. त्यांच्या लेखनाला कै. श्री. तात्यासाहेब केळकर "घट्ट बासुंदी" म्हणत असत. परमार्थाच्या वाटेवर चालणार्‍या साधकाला यातील विचार निश्चितच दिशा दाखवतात. पुढे वाचा ...	अभंग-संहिता भाग २ महर्षीच्या अखेरच्या काही वर्षांत त्यांनी लिहिलेल्या अभंगापैकी काही अभंगांवर एक पुस्तक प्रकाशित झाले होते. त्यालाही आता ५० वर्षे होऊन गेली. आमच्याकडे अशा हजारो अभंग लिहिलेल्या वह्या जतन करुन ठेवल्या आहेत. त्यातील अभंग आम्ही महर्षींच्या वेबसाईटवर घातले आहेत. या अभंगांचे इ-बुक मात्र करायचे बाकी होते. आज मार्च २०११ रोजी आम्ही हे इ-बुक प्रकाशित करीत आहोत. महर्षींचे अभंग म्हणजे विविध उत्कट भावांचा आविष्कार. स्वार्थाकडून परमार्थाकडे वाटचाल करीत असलेल्या एका संताचे उच्छ्वास! आपणही वाचतावाचता काळावेळाचे भान विसरतो. ही संपदा तुमच्या हाती सुपूर्त करताना खूप बरं वाटतय! पुढे वाचा ...	भारतीय सणांची आध्यात्मिक पार्श्वभूमी तत्कालिन मराठी मासिकांतून संपादक महर्षींकडून साधनासूत्रे लिहवून घेत असत. तो काळ पाश्चिमात्य वार्‍यांमुळे आलेल्या परिवर्तनाचा होता. शास्त्रीय बैठक असेल तर भारतीय तत्वज्ञानाचा व पारंपारिक व्रतवैकल्यांचा व धार्मिक उपचारांचा आम्ही स्वीकार करू अशी आंग्लविद्याविभूषित नवीन पिढी म्हणू लागली होती. जुनाट-बुरसट-कालबाह्य या नावाखाली बर्‍याच धार्मिक उपचारांना घराबाहेरची वाट दाखवली गेली होती. जे देवभीरू-पापभीरू लोक सणवार साजरे करत होते, त्यांना सनातन धर्माची बैठक कोणीतरी तज्ज्ञ व्यक्तीने सांगण्याची गरज होती. महर्षींनी हे काम आनंदाने केले. अशा साधनासूत्रांचा समावेश आम्ही या इ-पुस्तकात केला आहे. पुढे वाचा ...
Spiritual Poems महर्षी विनोदांनी त्यांच्या कॉलेजमधील कालामध्ये अनेक इंग्रजी कविता केल्या होत्या. त्यातील बर्‍याचशा कविता कॉलेजच्या मासिकामध्ये छापून आल्या होत्या. नंतर त्या मृणालिनी चट्टोपाध्याय (सरोजिनी नायडू यांची भगिनी) यांनी "श्यामा" या मासिकातून प्रसिद्ध केल्या होत्या. अशा विखुरलेल्या कविता मला अनेक जुन्या वह्यांमधून सापडल्या. त्या एकत्रित करून त्यात काही गुगलवरील चित्रे घालून आम्ही खुलवून त्याचा ब्लॉग २००८ मध्ये प्रसिध्द केला. या पुस्तिकेत त्यांचे संकलन केलेले आहे. त्याकाळचे इंग्रजी साहित्य तेही छोट्याशा कवितातून मुलायम शब्दांतून व्यक्त केलेले वाचताना मला अप्पांच्या कविमनाची थोडीशी कल्पना आली. पुढे वाचा ...	Love and grief My late father-in-law wrote heart breaking poems when he experienced grief after death of his second wife. She was very young and beautiful. He felt shattered and spent quite some time in thinking about death. He has expressed very tender feelings for her in these poems and also freely have written about the pain and great loss he was feeling during that period. I found them during my search for his manuscripts and was moved by his extraordinary soft feelings for his dead wife. पुढे वाचा ...